દેશ અને દુનિયા

પે ટી એમ અને કેવાયસી નામે ફ્રોડ કરનારા બે શખ્સોની કરાઈ ધરપકડ

શેર કરો

રાજ્યમાં આજકાલ ઓનલાઈન છેતરપિંડીનો કેસ વધી રહ્યા છે, ત્યારે હાલ એક આવી જ ઘટના સામે આવી છે. પેટીએમ માં કેવાયસી અપડેટ કરવાના બહાને ફોડ કરનાર ૨ આરોપીઓની સાયબર ક્રાઇમે ધરપકડ કરી લીધી છે. દેશભરમાં ૨૫ લાખથી વધુ લોકોને મેસેજ કરી પોતાના જાળમાં ફસાવ્યા હોવાનું સામે આવ્યું છે. આ ઘટનાની મળતી માહિતી પ્રમાણે, પે ટી એમ માં કેવાયસી અપડેટ કરવાના બહાને ફોડ કરનાર આરોપી સોહિલ સોકતખાન પઠાણ માસ્ટર માઈન્ડ છે. પરંતુ સાયબર ક્રાઇમે અન્ય આરોપી મોહસીન ખાનના બેંક એકાઉન્ટથી સોહિલ ખાન સુધી પહોંચી શકે છે. આ ઘટનામાં સામેલ આરોપી આમ તો માત્ર ૧૨મું ધોરણ પાસ છે.

પરંતુ છેલ્લા ૨ વર્ષમાં તેને ફ્રોડ ગેંગ સાથે મળીને લાખો રૂપિયાની છેતરપિંડી કરી હોવાનું સામે આવ્યું છે. આરોપી આ કૌભાંડ આચરવામાં પહેલું પગથિયું ચઢી રહ્યો હતો તેના મારફતે આખું રેકેટ ચાલતું હતું. આરોપી ગેટવેનો મદદથી હોરિઝોન નામની એપની મદદથી ગુજરાત હરિયાણા મહારાષ્ટ્ર, મધ્યપ્રદેશ, ઝારખંડ,પંજાબ અને દિલુ,હી બિહાર, બંગાળના લોકોને મેસેજ કરતો હતો. આરોપી નું કામ પૂરું થઈ જતા અલગ અલગ રાજ્યોના અન્ય આરોપીઓ ભોગ બનનારને ટિમ વ્યુયર ડાઉનલોડ કરાવી તેમના ખાતાની માહિતી જાણી રૂપિયાની છેતરપીંડી કરવામાં આવી હતી.

પોલીસ તપાસમાં સામે આવ્યું છે કે આરોપીએ ગુજરાતમાં જ ૧ કરોડથી વધુની છેતરપીંડી કરી ચુક્યો છે. સાથો સાથ ૨૫ લાખ લોકોને મેસેજ પણ મોકલી ચુક્યો છે. હાલ પ્રાથમિક તપાસમાં ૨૦૦થી વધારે ગુના આચર્યા હોવાનું સામે આવ્યું છે. પોલીસને આરોપી પાસેથી ૮ બેંક એકાઉન્ટ ૫૮ લાખ રોકડ રૂપિયા, છેતરપીંડીના રૂપિયાથી લીધેલ કાર, બાઈક અને દુકાન સહિત અન્ય મુદામાલ મળી આવ્યા છે. આરોપીને એક મેસેજ પેટે ૨ રૂપિયા મળતાં હોવાનું સામે આવ્યું છે. નોંધનીય છે કે હાલ તો ૨૦૦ ગુનાનો ભેદ ઉકેલાયો છે. પણ આ આંકડો હજારમાં જઈ શકે છે. પોલીસ આ ગેંગના અન્ય માસ્ટરમાઈન્ડ ઝારખંડ અને અન્ય રાજ્યોમાં બેઠેલા છે તેમને પકડવા માટે કાર્યવાહી કરી રહી છે. આ મામલે આઈટી ને પણ જાણ કરવામાં આવે છે.


શેર કરો

Leave a Reply

Your email address will not be published. Required fields are marked *